Click here for search results

Grupu Juventude Timor-Leste Hakarak Partisipa iha Desenvolvimentu

                                                                                                                                          Also available in: English

 

 

“Imi nurak dala ida deit maibé wainhira imi halo buat lolós, dala ida deit mos natón

/You are only young once but if you work it right, once is enough,”

                                                                            --- Joe E. Lewis

 

 

Halo buat lolós katak buat la-hanesan ba ema ida-idak no hakat ba dala-uluk iha viajen ba futuru ida diak liu ba Timor-Leste nia populasaun nurak mak aumenta daudaun mak define sa mak lolós ba sira. “Ami fiar katak besik 60% ita nia populsaun tama iha grupu ema nurak sira,” Sekretáriu de Estadu foun ba Juventude no Desportu (SEJD), Jose Manuel da Silva Fernandes, dehan, “No ami nia preokupasaun atu fo serviso diak liu ba grupu bo’ot ne’e reflete ona iha kriasaun gabinete foun ne’e hosi Primeiru Ministru.” Sekretariadu foun ne’e inaugura iha fulan Agostu 2005.

 

 Youth Picture from Open House
Participante iha Youth Open House

Wainhira nia sei hanesan parte Ministeriu Edukasaun, Sekretariadu ne’e hahú tihaona servisu barak konabá programa Lideransa Juventude ba Dezenvolvimentu ‘Ekonomiku/Youth Leadership for Economic Development (LED), nebé hetan apoiu hosi the Asia Foundation, UNICEF no Banku Mundial. Programa ne’e iha objetivu atu fo input balun hosi joven sira iha railaran tomak iha dezenvolvimentu Politika Juventude Nasional ida no atu hatama lian juventude nian iha dialogu nasional konabá dezenvolvimentu. Ne’e asuntu sensitivu ida ho seksaun balun ba juventude mak uluk involve’an ativamente iha nasaun nia funu mak naruk atu hetan liberdade no lakohi sai marjinalizadu wainhira to’o ona tempu atu deside konabá asuntu sira mak sei afeta diretamente sira nia futuru.   Maibé, nudar Jose Neves, koordenador Projetu LED hateten, “Joven Timor oan sira ansiozu atu sai parte hosi prosesu dezenvolvimentu maibé sira mos presiza apoiu oinsá atu organiza no prepara sira’an rasik atu fo kontribuisaun pozitivu ida.”   

 

Atu bele apoia esforsu ne’e, faze ba dala-uluk projetu LED mak atu halo mapa juventude no survey institusional ida, nebé nia rezultadu sira halibur tiha iha estudu Timor-Leste Youth Social Analysis (Análize Sosial Juventude Timor-Leste). Estudu ne’e konsolida deskoberta/temuan sira hosi estudu sira mak uluk halo no aprezenta   perfil sosial, edukasional, saúde no aspirasional juventude nasaun nian. Iha dezafiu barak, maibé tema prinsipal, nebé foti hosi estudu ne’e no Sekretáriu Fernandes mak, “atu resolve asuntu dezempregu juventude no prepara planu sira ba sira nia estudu no formasaun professional. Ne’e importante teb-tebes tanba investidor sira hosi rai-liur hahú tama daudaun ba Timor-Leste, no sira sei buka pessoal treinadu. Ami hakarak mos muda mentalidade ami nia juventude nian nebé hakarak liu servisu iha governo wainhira saláriu iha sektor privadu bo’ot liu.

 

“Ami fo aten-brani ba ema nurak sira atu estuda ida Sentru Dezenvolvimentu Emprezarial (CDE) mo ami mos sei loke eskola vokasional ka professional ba formasaun iha sektor peskas no agrikultura,” Fernandez dehan. CDE sira ne’e Programa Emprezas Kikoan iha Ministeriu   Dezenvolvimentu mak organiza, ho apoiu hosi Fundu Fidusiariu ba Timor-Leste nebé Banku Mundial administra.  

 
Studente hosi Dili Institute of Technology (DIT) 

Tebes duni, problema premente liu ba ema nurak adultu sira mak dezempregu ema nurak sira iha sidade nebé Avaliasaun Pobreza/Poverty Assessment estima hamutuk 43 % iha 2001, maiske númeru ne’e   iha probabilidade atu sai bo’ot liu ohin-loron. Tina-tinan ema nurak Timor oan hamutuk nain 15-20,000 mak tama iha merkadu serviso nian maibé mane 13% deit no feto 9% deit mak hetan ordenadu/saláriu. Ohinloron ema nurak barak mak la iha abilidade bázika no formasaun, sira balun para tiha sira nia estudus durante tinan hirak konflitu nian molok ukun’an. Kuran profisiénsia iha lian nasional Portugés no iha lian serviso Inglés, hanesan impedimentu seluk ida wainhira sira hakarak hetan servisu mak selu diak liu iha governo ka organizasaun internasional sira.

 

Sekretáriu de Estadu foun ne’e hatete katak la iha fórmula instant ida ba susesu maibé nia rekoñese natureza prinsipal asuntu juventude sira ne’e entre sektor saude, edukasaun, traballu no agrikultura – 56% hosi ema nurak sira servisu iha agrikultura subsistensia turi dadus preliminar hosi Sensus 2004. “La kleur tan ami sei organiza sorumutu inter-ministerial atu koordena ami nia planu sira ba juventude,” Sekretariu de Estadu Fernandez dehan, “Ministeriui Traballu fo fundus no formasaun ba grupu juventude sira no ami iha osan besi-besik US$ 442,000 atu finansia projetu rua: US$ 80,000 sei uza atu harí sentru juventude iha distritu hotu-hotu no kuantia seluk ida hamutuk US$ 103,000 sei uza atu harí fasilidade desportu ida iha Dili.”

 

Ho pedidu hosi LED, Banku Mundial apoia ona kolókiu dezenvolvimentu organizasional ba líder konsellu juventude nain 26 hosi distritu 13 tomak iha fulan Maiu no Jullu laran tinan ne’e liu hosi LED. Lider juventude sira ne’e simu tulun ho planu atu dezenvolve outreach iha sira nia distritu nuné mos modelu bisnis no planeamentu finanseiru. “ami  reforsa daudaun konsellu juventude liu  hosi programas formasaun ba lideransa, jestaun organizasional, jestaun finanseira, abilidade emprezarial no jestaun konflitu,” Jose Neves dehan. “Programa sira ne’e sei reforsa joven sira atu hola parte iha programa dezenvolvimentu nasional sira no halo sira sai efetivu liu atu halao programa   outreach sira iha distritu sira.”  

 

 Silly and the gang
Juventude uza fasilidade iha Centru Informasaun Publiku

Maibé, buat ida mak sei  iha organizasaun juventude nasaun nian hotu-hotu, sira barak mak nudar grupu artes marsiais nebé baku-malu esporadikamente, nudar dezafiu seluk ida ba autoridade sira. De faktu, numeru insidente violentu aumenta dala-lima iha tinan tolu ikus nia laran nebé numeru bo’ot liu iha Dili tuir kedas mai Ainaro. “Ne’e uluk liu nudar problema lideransa,” Fernandez dehan, “lider diak ida tenki iha kbit atu kontrola organizasaun. Hamutuk ho Ministerio Justisa no notariadu ami mos sei hakerek lei foun sira ba ema sira mak hakarak hari organizasaun. Organizasaun ida-ida tenki rejista nia politika no sei iha kastigu ba sira nebé mak halo sala. Hau hanoin ema balun entende-sala signifikadu artes marsiais – arte buat ida mak atu hatudu la’os uza ba baku-malu.”

 

Iha grupu arte marsial 15-20 iha Timor-Leste no maiske membru rejistadu nain 20,000 bele hare hanesan kikoan, relatóriu ne’e hatete liu fali ema nain 90,000 nudar membru la-rejistadu mak ativu iha grupu artes marsiais. Grupu sira ne’e balun mak iha membrus iha distritu 13 tomak no reprezenta 70% hosi juventude entre otas tinan 15-29 aprende arte defende-a’an sai tiha parte hosi estratéjia atu funu hasoru ema Indonezia sira maibé orasné governo hakarak atu grupu sira ne’e halo tranzisaun ida ba atividade desportiza deit.

 

“Ami nia dezafiu bo’ot liu ohinloron– ketak hosi hari gabinete ida mak independente no operasional - mak atu dezenvolve kuadru politika ida,” Sekretariu de Estadu Fernandez dehan, “Ami presiza lei organika sira atu tulun ami iha ami nia serviso, lei desportu sira atu organiza Asosiasaun Desportiva sira no ami tenki halo ramata projetu Politika Juventude Nasional hosi LED.” Atu fo ideia ida ba dalan naruk mak Sekretariadu foun tenki lao, Fernandes hateten, “Ami tenki hari mekanismu sira atu simu proposta sira molok ami bele hahú tulun organizasaun juventude sira ho baze individual.”

 

Maiske nuné, nia orgullozu ba papel juventude nasaun nian iha prevensaun konflitu. “Kompara ho nasaun balun nebé iha konflitu tinan 30 hafoin Ukun’an, ami halo tiha susesu bo’ot ida. Populasaun nia sensibilidade ba konsekuénsia funu nian a’as no ami mos tenki hatene servisu governo nia no grupu vulnerável sira hanesan Veteranus. Ne’e bele tulun hakuran konflitu.”

 

Karik Sekretariadu foun ne’e iha lia-menon ruma ba ema nurak Timor nian? “Hau hakarak grupu juventude tomak servisu hamutuk entre sira rasik no governo iha implementasaun planu sira ba devenvolvimentu juventude iha loron aban-bainrua. Mai ita aprende hamutuk atu servisu hamutuk hodi serbi ita nia povu.”