Kontaktu iha rejiaun kona ba Doing Business 2008:
East Asia & Pacific
Andrew Mak (852) 25-09-81-10
Email: amak@ifc.org
Mohamad Al Arief (202) 458-5964
Email: malarief@worldbank.org WASHINGTON, D.C., 26 Setembru 2007 – Azia du Leste no Pasífiku hetan klasifikasaun iha pozisaun penultimu entre rejiaun sira iha progresu halo reforma negósiu nian, tuir Halo Negósiu 2008/Doing Business 2008—relatóriu ba dala-lima iha serie relatóriu anual ida nebé Banku Mundial no IFC hasai. China mak diak liu iha reforma konabá regulamentasaun iha 2006/07, nebé halo aposta ba trende rejional nian. Nudar reformista bo’ot liu iha rejiaun ne’e no tama iha grupu reformista 10 bo’ot liu iha raiklaran tomak, China hahú fo’o protesaun makás ba direitu propriedade privadu no lei falénsia foun ida. Iha raiklaran tomak, reformista 10 bo’ot liu, tuir orden, mak Ejiptu, Kroasia, Gana, FYR Macedonia, Jeorjia, Kolombia, Arabia Saudita, Kenya, China, no Bulgaria. Singapura, durante tinan rua tu-tuir malu, hetan primeira pozisaun iha klasifikasaun jeral hosi ekonomia 178 konabá fasilidade atu halo negósiu. Europa du Leste no Azia Sentral mak reformista importante liu entre rejiaun sira, ihanebé nasaun tolu hosi Ex-Uniaun Soviétika—Estonia, Jeorjia, no Latvia—tama iha grupu reformista 25 bo’ot liu konabá fasilitade atu halo negósiu. Azia du Sul, nebé India lidera, mos aselera prosesu reforma, lais liu fali Azia du leste no Pasífiku. Iha mundu tomak, reforma 200—iha ekonomia 98—mak introduz tihaona entre fulan Abril 2006 no Juñu 2007. Iha Azia du Leste no Pasífiku reforma nebé popular liu mak atu fasilita asesu ba kréditu, ihanebé halo ona melloria iha China, Indonezia, Mikronezia, no Vietname. Segunda reforma popular liu mak atu halo simples prosesu harí negósiu, ho atuasaun iha Repúblika Demokrátika Popular Laos, Malazia, no Timor-Leste.  “Relatóriu ne’e deskobre katak rendimentu/equity returns bo’ot liu mosu iha nasaun sira nebé halo reforma barak liu,” dehan Michael Klein, Vise Prezidente Banku Mundial/IFC nian ba Dezenvolvimentu Finanseiru no Sektor Privadu. “Investidor sira buka hela vantajen potensial, no sira hetan vantajen ne’e iha ekonomia sira nebé halo daudaun reforma—la tau konsiderasaun ba sira-nia pontu de inicio,” nia hatutan. Merkadu foun bo’ot sira nebé halo reforma lalais mak: China, Ejiptu, India,
Partisipante tuir lansa Doing Business 2008 iha Sede
Banku Mundial Dili
Indonezia, Turkia, no Vietname hotu-hotu halo melloria iha fasilidade atu halo negósiu. No, relatóriu ne’e hasai konkluzaun katak, bainhira nasaun barak liu tan halo simples regulamentu atu fasilita halo negósiu, maka emprezáriu barak liu tan mak sei halo investimentu.
Iha China, lei propriedade foun ida tau direitu propriedade privadu iha pozisaun hanesan ho direitu propriedade estadu ni-nian. Lei ne’e mos haluan tan extensaun propriedades nebé bele uza nudar garantia hodi hatama mos estoke no kontas-atu-simu/accounts receivable. Lei falénsia foun ida fo’o ba kreditor sira prioridade ba rendimentu hosi sira-nia garantia/kolateral. Konstrusaun mos sai fásil liu tan, ihanebé prosesamentu ho forma elektróniku ba lisensa harí uma hakuran tiha atrazu sira to’o semana rua.
Indonezia, nudar reformista númeru rua iha rejiaun laran, halo simples tiha prosesu atu hetan lisensa konstrusaun nian, hodi hakuran atrazu hosi loron 49 ba 21. Nia mos aumenta tan kobertura empréstimu nian hosi rejistu kréditu públiku no reforsa tan protesaun ba investidor hodi hasae rekizitu konabá abertura.
Reforma importante sira seluk iha Azia Leste no Pasífiku
Fiji introduz tiha reforma judisiáriu atu hadia efisiénsia tribunal nian. RDP Laos implementa ona akordu kooperasaun fronteira nebé sei tulun halais komérsiu no fasilita rekizitu lisensiamentu ba negósiu foun sira. Malazia halo simples ona kondisaun konabá harí negósiu ida, hakuran tiha taxa de renda ba kompañia, no halo simples ona prienximentu formulariu taxa online. Mikronezia implementa ona ni-nia lei transaksi titulu mobiliariu ba dala-uluk no loke ona rejistu online mesak ida ba direitu titulu ba propriedade móvel. Rejistu engloba tipu kreditor no devedor hotu-hotu. Mongolia halo ona lei foun ba rendimentu empreza nian, valor-akresentadu, no taxa de renda pesoal, hodi introduz taxa fiksu foun ida ba rendimentu individual. Nia mos hakuran ona valor marjinal máximu ba taxa rendimentu empreza nian hosi pursentu 30 ba 25. Tailandia introduz ona sentru servisus elektróniku ida ba komersiante sira, hodi hakuran tempu atu importa no exporta sasán to’o loron lima. Tonga reforma ona prosedimentu tribunal nian no introduz tiha jestaun kazus, hodi transfere pursentu 90 hosi kazu hotu-hotu—kriminal, komersial, no rai—hosi suratahan ba komputador. Mudansa sira ne’e hakuran tiha tempu atu implementa kontratu sira hosi loron 510 ba loron 350. Vietname fasilita negósiu sira atu hetan asesu ba kréditu nebé permite deskrisaun jeral ida ba propriedade no obrigasaun iha akordu konabá garantias no mos utilizasaun assets sira aban-bainrua nian atu garante tusan. Nia adopta ona lei acção ordinára foun ida nebé estabelese bolsa de valores no sentru komersial ida. No nia reforsa ona protesaun ba investidor liu hosi lei empreza foun ida. Lei ne’e husu atu investidor sira hola parte iha acção bo’ot sira kompañia nian, aumenta abertura ba transaksi ho parte relasionadu, no introduz responsabilidade fidusiáriu ba diretor sira kompañia nian.
Iha raiklaran tomak, relatóriu ne’e hasai konkluzaun katak klasifikasaun a’as liu ba fasilidade halo negósiu iha relasaun ho persentajen bo’ot feto sira iha emprezáriu no empregadu sira let.
“Benefísiu hosi aumentu reforma regulamentasaun bo’ot, liu-liu ba feto sira,” dehan Justin Yap, autór relatóriu ne’e nian. Dala-barak feto sira hasoru regulamentu nebé bele iha objetivu atu fo’o protesaun ba sira maibé nia iha efeitu kontra-produtivu, nebé obriga sira atu tama ba sektor informal. Feto sira ne’e iha seguransa empregu no benefisiu sosial uitoan deit. “Regulamentu sira ne’e bele halakon serbisu ba traballador sira nebé iha vontade serbisu no oportunidade negósiu ba emprezáriu potensial sira,” nia hatutan. Halo Negósiu/Doing Business 2008 klasifika ekonomia 178 konabá fasilidade atu halo negósiu. Azia du Leste no Pasifiku responsabiliza ba ekonomia rua hosi ekonomia top 10, ihanebé Singapura hetan primeira klasifikasaun no Hong Kong (China) hetan kuarta klasifikasaun. Ekonomia sira seluk nebé hetan klasifikasaun boot iha rejiaun laran mak Tailándia (15), Malazia (24), Fiji (36), Tonga (47), no Taiwan (China) (50). Iha raiklaran tomak, ekonomia 25 bo’ot liu iha klasifikasaun ne’e mak, tuir orden, Singapura, Nova Zelandia, Estadus Unidus, Hong Kong (China), Dinamarka, Reinu Unidu, Kanadá, Irlanda, Australia, Islándia, Noruega, Japaun, Finlandia, Suésia, Tailandia, Suisa, Estonia, Jeorjia, Beljika, Alemaña, Holanda, Latvia, Arábia Saudita, Malazia, no Austria. Klasifikasaun sira ne’e bazeia ba indikadór 10 hosi regulamentu negósiu nian nebé rejista tempu no kustu atu halo tuir rekizitu sira governu nian konabá hahú, operasaun, komérsiu, taxasaun, no taka negósiu ida. Sira la reflete área sira hanesan politika makro-ekonómika, kualidade infraestrutura nian, instabilidade moeda nian, persepsaun investidor sira nian, ka taxa kriminalidade nian. Desde 2003 Halo Negósiu/Doing Business fo’o tiha inspirasaun ka informa liu reforma 113 iha raiklaran tomak.
|
RSS