Also available in: English Contact: In Dili, Luis Sequeira
(670) 723 0554
lsequeira@worldbank.org Dili, 12 Outubru 2005---Diretoría Banku Mundial nian aprova ona Primeiru Programa Apoiu ba Konsolidasaun (CSP I) ba Timor-Leste nebé sei fo rekursu finanseiru adisional hamutuk USD 10 milloens ba orsamentu Governo nian iha TF06. Banku Mundial sei kontribui ba subsidiu Asosiasaun Dezenvolvimentu Internasional (IDA) ida hamutuk besik USD 0.5 milloens ba CSP hamutuk ho parseiru bilateral walu nebé sei fo finansiamentu adisional hamutuk USD 9.5 milloens. Parseiru sira ne’e mak Austrália, Finlándia, Irlanda, Noruega, Nova Zelandia, Portugal, Reinu Unidu no Estados Unidos. Wainhira koalia iha okaziaun ne’e iha Dili, Chefe Banku Mundial Sra Elisabeth Huybens hatete: “Ami haksolok atu apoia Governo iha halo progresu ba metas Planu Dezenvolvimentu Nasional. Iha CSP laran, ami hein atu halao nafatin modelu Programa Apoiu ba Tranzisaun nebé fo forum ida ba diálogu polítiku entre Governo no parseiru dezenvolvimentu sira. Em partikular, ami hein katak diskusaun sira ne’e sei kontribui didiak ba ezekusaun orsamentu atu presta servisos diak liu no kriasaun empregus.” Asaun politika sira mak dezenvolve ona tina-tinan liu hosi diálogu entre governo no parseiru dezenvolvimentu sira iha CSP, hatama tiha iha matriks rezultadu ida no governo implementa ona liu hosi orsamentu. Tinan ida dalarua, Governo no parseiru sira halo revizaun ba progresu ba objetivu programa hotu-hotu nebé CSP apoia. Ho dalan ida ne’e bele halo monitoramentu efikáz ba progresu. CSP I sei tau atensaun ba área prioritária tolu governo nian: fo serviso sustentável sira iha saúde no edukasaun no infra-estrutura, kriasaun empregu produtivu no reforsa governasaun. Governo iha kompromisu atu halao asaun politika espesifika lubuk ida hanesan: redusaun mortalidade labarik liu hosi imunizasaun no aperfeisoamentu saúde inan no oan iha sektor saúde; hasae taxa matrikulamentu no formasaun profesores iha sektor edukasaun, asegura disponibillidade enerjia elétrika iha Dili no distritu sira. Iha nia esforsu sira atu promove empregu produtivu, CSP sei apoia Programa Traballadores Emigrantes no insiativas politikas no formasaun oi-oin atu dezenvolve empreza sektor privadu sira nuné mos aumenta produsaun hahán no agri-bisnis. Iha governasaun, CSP sei apoia instituisaun sira mak foin hamrik iha sektor minarai. Sei implementa polítika no programa sira atu hadia prestasaun justisa a tempu no salvaguarda sira hasoru korrupsaun, hanesan reforsa kapasidade Gabinete Inspetor Jeral no Provedor. Atu hetan liu tan informasaun bele visita ami nia internet www.worldbank.org/tl |
RSS