Also available in: English Contact: In Dili, Luis Sequeira
(670) 723 0554
lsequeira@worldbank.org Dili, 18 Outubru 2005---Tina-tinan Banku Mundial selebra Loron Familia iha nia sede nasional hotu-hotu hodi inklui pessoal sira nia familia iha atividade balun ba labarik sira. Tinan ne’e, pessoal sede Banku Mundial iha Dili, hetan dalan úniku ida atu tulun komunidade hodi kumpre promesa ida mak nia halo tihaona ba labarik sira iha Eskola Primária Rita iha Mau-Lau, Sub-Distrito Maubisse, Ainaro, iha vizita kampal ida mak uluk halo. Iha Sexta-feira, 14 Outubru, pessoal banku sira to’o iha Eskola Primária Rita ho pa (kanuru), enxada,  pikarreta no simentu atu halo kampu jogu ida ba bola volley iha labarik oan sira nia eskola. Wainhira labarik sira mak haksolok ne’e ramata hananu sira nian knananuk boas-vindas no simu rebusadus, sira halibur’an tiha ho pessoal Banku, mestre sira, no chefe de aldeia atu hatetuk kampu mak halí’is ne’e nebé ke’e ho bulldozer bo’ot sira. Sira servisu dader tomak, maiske loro manas. To’o oras han meiu-dia, kampu jogu ida hamrik tihaona ho simentu nebé maran daudaun haleu ai-rin ba rede volley nian. Estudante iha eskola Rita, Maubisse. Labarik sira mak haksolok ne’e labele subar sira nia ksolok wainhira chefe Banku Mundial, Sra Elisabeth Huybens, oferese promeiru jogu ekipamentu ho bola volley rua, hafoin bola tebe ida no uniforme ekipa tebe-bola jogu ida. Hodi la haluha parte atividade mak sériu liu, eskola ne’e mos simu tihaona material báziku hanesan kadernus, lapizeiras, lapis, apagador, nebé sasan sira ne’e hotu sosa hodi osan mak pessoal sira kontribui.  “Iha tinan ulu-uluk sira ami vizita tiha orfanatu sira ka konvida labarik oan sira mai ami nia sede. Tinan ne’e ami hakarak halo buat oin-seluk ida; halo kampu jogu bola volley ida nudar buat furak ida ba labarik oan sira –no divertimentu saudável ida ba ami sira nebé hakarak halo ezersisiu uitoan,” Sra Elisabeth Huybens, Chefe Banku Mundial dehan. “Ami hein katak ami nia kontribuisaun kikoan ne’e sei tulun labarik oan sira iha sira nia atividade estudu no desport sira”. Estudante ho pessoal Banku Mundial halo kampu volley ball. Antonio de Araujo, estudante terseira klase ida hosi eskola ne’e mos exprime nia ksolok, “Ami haksolok teb-tebes tanba uluk ami tebe bola uza bola nebé halo hodi saku-plastiku, maibé ohinloron ami bele halimar ho bola diak duni. Yipee! Ami mos agradese pessoal Banku Mundial tanba fo ami kampu bola volley ida no sasan sira seluk tan. Buat ne’e diak tebes ba ami nia eskola”. Eskola Primaria Rita hari tiha iha Projetu Kualidade Eskola Fundamental (FSQP) nia laran no foin lalais ne’e inaugura ona edifisiu seluk ida no sala-aulas adisionais, toilet no mobiliáriu eskola. Atu bele satisfaz nesesidade lokal estudante sira hosi Primeira Klase to’o Kuarta Klase tuir aulas iha turnu rua. Atu hetan liu tan informasaun bele visita ami nia internet www.worldbank.org/tl |
RSS